影片
更多
2018-08-09
59 浏览
今日去深水埗買旅行用既電話卡，行行下係街市隔離見到一間白色牆身，清新簡約風既小店。入到去仲有不同既輕食，甜品，飲品等，大部分食材入面都有茶呢個元素，感覺好fresh☺️先介紹下個飲品，揀咗抹茶鮮奶diy, 抹茶鮮奶飲得多，自己整都係第一次。要將抹茶用個茶藝工具打到起泡🍵，再倒落啲熱牛奶度🥛飲落又幾好飲咼，好濃🤤茉莉綠茶配氮氣茶•清甜蘋果味，味道好清新，飲得岀茶味同蘋果味，而呢個氮氣呢，其實就會有少少改變咗飲品既質感，飲品口感會有少少似啤酒既感覺。呢度輕食選擇唔多，小食4揀2款再加主食3揀1 ($78 with set)。 咁今次就揀咗香茅薑茶脆魚塊，柚子煎茶雞翼配茶湯冷麵。小食好好食😍 會食到少量茶味，魚塊鬆脆得黎感覺唔熱氣，雞翼入味得黎亦都好嫩滑🤩 茶湯冷麵食落比較清淡，下次會試熱湯。到甜品🍮，冇誇張，呢度既蛋糕真係好好味😭❤️ 叫咗2件都係玫瑰味。玫瑰荔枝慕絲蛋糕 ($36) 蛋糕食落好滑，食到荔枝味既時候會滲岀淡淡既玫瑰香，食落唔太甜👍🏻玫瑰麻糬戚風蛋糕($55) 每日口味都會唔同。係我食過最好食既蛋糕🍰 蛋糕濕潤得黎亦都好鬆軟好彈力，玫瑰味好岀，蛋糕入面加咗麻糬同忌廉，每食一啖都覺
今日去深水埗買旅行用既電話卡，行行下係街市隔離見到一間白色牆身，清新簡約風既小店。
入到去仲有不同既輕食，甜品，飲品等，大部分食材入面都有茶呢個元素，感覺好fresh☺️
先介紹下個飲品，揀咗抹茶鮮奶diy, 抹茶鮮奶飲得多，自己整都係第一次。要將抹茶用個茶藝工具打到起泡🍵，再倒落啲熱牛奶度🥛飲落又幾好飲咼，好濃🤤
茉莉綠茶配氮氣茶•清甜蘋果味，味道好清新，飲得岀茶味同蘋果味，而呢個氮氣呢，其實就會有少少改變咗飲品既質感，飲品口感會有少少似啤酒既感覺。
呢度輕食選擇唔多，小食4揀2款再加主食3揀1 ($78 with set)。 咁今次就揀咗香茅薑茶脆魚塊，柚子煎茶雞翼配茶湯冷麵。小食好好食😍 會食到少量茶味，魚塊鬆脆得黎感覺唔熱氣，雞翼入味得黎亦都好嫩滑🤩
茶湯冷麵食落比較清淡，下次會試熱湯。
到甜品🍮，冇誇張，呢度既蛋糕真係好好味😭❤️ 叫咗2件都係玫瑰味。
玫瑰荔枝慕絲蛋糕 ($36) 蛋糕食落好滑，食到荔枝味既時候會滲岀淡淡既玫瑰香，食落唔太甜👍🏻
玫瑰麻糬戚風蛋糕($55) 每日口味都會唔同。係我食過最好食既蛋糕🍰 蛋糕濕潤得黎亦都好鬆軟好彈力，玫瑰味好岀，蛋糕入面加咗麻糬同忌廉，每食一啖都覺得好幸福😆
呢間小店係沙漠中既綠洲！係深水埗呢個街市地方旁邊竟然有一間可以俾人漫活既文青小店☺️
张贴
