譽粵菜 (已結業)

馬鞍山好多茶樓，我首推呢間下午茶特價點心：百花釀茄子姐姐未放上枱已經聞到好香，拎到黎好熱岩岩做起。 同其他煎釀三寶唔同呢個食釀花枝肉唔係魚肉，好食好多！唯一缺點係真係好油。香煎甜薄罉咸薄罉好多酒樓都有，甜既未必間間有。 薄罉個皮本身已經好煙un, 暖暖地好好味，包住入面有砂糖， 椰絲， 花生碎， 就好似食緊格仔餅甘，真係好好食！小點心拼盤下午茶先有， 入面係馬拉糕x2, 粉果， 燒賣，九菜餃。全部都好有水準，但相比起其他就無咩特別。芝心蝦春卷等左都幾耐，又係即叫即做。 上枱熱辣辣香脆可口，入面就係鮮蝦同軟芝士， 少少fusion, 都幾特別。呢餐茶可以話所有食物都好有水準， 下次想飲茶都要去譽！