影片
更多
2014-02-06
95 浏览
沙嗲王观塘店仲喺晌未写食评嘅年代帮衬过，而荃湾店亦都有帮衬，至于今次嚟试新菜式嘅铜锣湾店就第一次到，一出䢂门一片阿拉伯风情，唔讲唔知，原来沙嗲王经营已有20多年历史，滋味无国界，以菜式多元化、多国化见称，中、西、越、泰、意、法、葡、日样样都有 。店内楼底高，地方阔落，天花挂有唔少别致嘅吊灯，又有唔少卡位，二人、四人、六人枱，近窗一边又有街景睇下。店舖整体装修设计加插好多古时代文物，但又唔俗套，睇起嚟又几年轻化。今次嘅试食活动，喺因为沙嗲王刚啱加入咗Soda Card而搞，咁Soda Card又喺乜东东嚟？简单而言，佢就喺将店舖传统嘅会员制变成数码化，当中参与商户有零售，有食店，有消闲过百间，并建立一套个人化奖赏计划，抛弃旧有以消费金额模式，改以次数计算，人人平等，务求商户及消费者各取所需 。就以今次沙嗲王为例，每打卡一次都有积分，奖赏包括免费甜品、饮品、薄饼、饭面买一送一……等等，著数多多 ！虽则沙嗲王滋味无国界，但依日晏昼要试嘅菜式亦已一早准备好，真喺多谢店方嘅细心安排。当中包括4道前菜，4道主菜，以及2道甜品，而饮品方便，餐厅亦大方让我哋随意挑选。 热姜汁蜜 $27 由于
店内楼底高，地方阔落，天花挂有唔少别致嘅吊灯，又有唔少卡位，二人、四人、六人枱，近窗一边又有街景睇下。店舖整体装修设计加插好多古时代文物，但又唔俗套，睇起嚟又几年轻化。
今次嘅试食活动，喺因为沙嗲王刚啱加入咗Soda Card而搞，咁Soda Card又喺乜东东嚟？简单而言，佢就喺将店舖传统嘅会员制变成数码化，当中参与商户有零售，有食店，有消闲过百间，并建立一套个人化奖赏计划，抛弃旧有以消费金额模式，改以次数计算，人人平等，务求商户及消费者各取所需 。就以今次沙嗲王为例，每打卡一次都有积分，奖赏包括免费甜品、饮品、薄饼、饭面买一送一……等等，著数多多 ！
虽则沙嗲王滋味无国界，但依日晏昼要试嘅菜式亦已一早准备好，真喺多谢店方嘅细心安排。当中包括4道前菜，4道主菜，以及2道甜品，而饮品方便，餐厅亦大方让我哋随意挑选。
热姜汁蜜 $27 由于身体有少少抱恙，唔敢饮冻嘢，所以目标锁定晌热饮堆中，如热蜂蜜柚子茶、热姜汁蜜、热柑桔柠蜜……等等。最后拣咗热姜汁蜜，因为依个配搭未试过，滋润嘅蜜糖中渗出淡淡姜味，饮一啖很暖和身体，冬日暖身之选 。
跟住4道前菜好快轮流登场，有沙律、虾饼、薄饼及芝心饼，味道嚟自唔同地域，果然多元化。鱼籽薯仔沙律 $29
依款沙律喺新登场出品，以罗马生菜、火箭菜及水耕菜苗垫底，铺上薯仔沙律，加入鱼籽、溏心蛋点缀，卖相几清新闪亮。沙律菜新鲜爽脆，薯仔沙律跟鱼籽捞匀食，粉甜嘅薯仔多点咸鲜之余，有啲卜卜脆口感 ，而溏心蛋做得不俗，「流心」效果一流。整道沙律味道清新开胃，都只喺卖$29，确喺抵食 。
自家制越式虾饼 $58 一客6件越式虾饼，配以泰式酸辣酱。虾饼质感弹牙，渗出淡淡虾鲜味，偶有食到少少虾肉，不愧真材实料 。不过，个人觉得炸得未够香透，再炸耐少少，不单色泽更金黄，味道更香口，此外，入口较油腻亦喺要改善嘅地方。
娘惹牛肉Pizza 属于将推出嘅新出品，故未有定价，不过，以现有售卖嘅4款薄饼而言（$30-$35），应该都喺三、四十蚊范围。沙嗲王嘅薄饼特色喺「６吋酥皮薄饼」，虽然喺厚批，但口感超松脆，配以微辣惹味嘅娘惹牛肉，烘得软绵丝溶嘅芝士，依个意大利、马来西亚混合菜式大可带俾你意外惊喜 。
北海道芝心饼配韩国酸辣椒 依个亦喺另一道新出品，不过，与其话喺新出品，可能叫作强化版更贴切，因为餐牌内己有北海道芝心饼，饼面加有韩国紫菜碎及芝麻，定价$22 / 件，两件起，而依家就改衬韩国酸辣椒嚟代替紫菜碎。其实原有嘅北海道芝心饼已经好好食，外层香脆，入口烟糯，而内里北海道牛乳芝士既满满又滑溜，流心效果明显，又有淡淡牛乳香，搭埋紫菜碎、芝麻粒，真喺一流 。至于改以韩国酸辣椒又如何？味道带少少酸，亦无想像中咁辣，有食友笑言似榨菜，确实口感有啲爽脆，喜欢试新嘢嘅朋友不妨一试。
几款前菜、小食嘅味道及特色兼备，再趁空翻翻店方嘅餐牌，原来佢哋已经开始选用大量无污染及有机食材 ，例如蔬菜统营处嘅水耕菜苗，有机米，但难得定价都仲喺颇亲民 。
由于相片上载有限，只好「下篇」再续，分享埋其他主菜及甜品。
张贴
