影片
更多
2022-09-23
580 浏览
最濃沙嗲牛肉麵———————————————————沙嗲牛肉麵呢度嘅沙嗲牛肉麵，價錢可以話係冠絕全港，貴在可能佢個湯底係同打邊爐一樣，而且佢嘅牛肉係用返佢哋嘅火鍋安格斯牛肉，之後會講其實佢個牛肉同炒麵嗰個係唔同。沙嗲湯底非常濃稠，食落去花生味道重，可以食到有好多花生碎，入口唔算辣，係有少少後勁嘅辣味，不過唔食得辣嘅人應該都可以接受，湯底偏油膩同偏鹹，算係有層次嘅湯底，不過非常重口味，唔算係平衡得最好嘅沙嗲湯。基本上係同佢個火鍋湯底一樣，因為我有喺呢度打過邊爐，湯底濃稠嘅程度我覺得似食緊沾麵，因為麵條會非常掛湯。麵方面用上同沙嗲牛肉最襯嘅招牌大光麵，入口都算爽滑，長期浸咗喺湯入面，都唔會發脹同腍。最重要嘅就係大光麵非常掛湯，每一啖都係掛滿左湯汁同埋花生粒，所以食起上嚟似撈麵，又似沾麵。牛肉方面餐廳話係用安格斯牛肉，睇落去係同平時茶餐廳嘅牛肉唔同，牛肉比較薄身，唔算好大塊，比較碎，唔係肥牛嗰隻咁多脂肪，不過份量都算多，咬落去唔係好嫩個種，牛肉有醃過，可能落咗少少鬆肉粉，食落去算有小小牛肉味，不過可能湯底太濃，所以牛味唔會太突出，比起大部份茶餐廳嘅好，不過唔會有太大驚喜。另外仲有兩條生菜，同
———————————————————
沙嗲牛肉麵
呢度嘅沙嗲牛肉麵，價錢可以話係冠絕全港，貴在可能佢個湯底係同打邊爐一樣，而且佢嘅牛肉係用返佢哋嘅火鍋安格斯牛肉，之後會講其實佢個牛肉同炒麵嗰個係唔同。
沙嗲湯底非常濃稠，食落去花生味道重，可以食到有好多花生碎，入口唔算辣，係有少少後勁嘅辣味，不過唔食得辣嘅人應該都可以接受，湯底偏油膩同偏鹹，算係有層次嘅湯底，不過非常重口味，唔算係平衡得最好嘅沙嗲湯。
基本上係同佢個火鍋湯底一樣，因為我有喺呢度打過邊爐，湯底濃稠嘅程度我覺得似食緊沾麵，因為麵條會非常掛湯。麵方面用上同沙嗲牛肉最襯嘅招牌大光麵，入口都算爽滑，長期浸咗喺湯入面，都唔會發脹同腍。最重要嘅就係大光麵非常掛湯，每一啖都係掛滿左湯汁同埋花生粒，所以食起上嚟似撈麵，又似沾麵。
牛肉方面餐廳話係用安格斯牛肉，睇落去係同平時茶餐廳嘅牛肉唔同，牛肉比較薄身，唔算好大塊，比較碎，唔係肥牛嗰隻咁多脂肪，不過份量都算多，咬落去唔係好嫩個種，牛肉有醃過，可能落咗少少鬆肉粉，食落去算有小小牛肉味，不過可能湯底太濃，所以牛味唔會太突出，比起大部份茶餐廳嘅好，不過唔會有太大驚喜。另外仲有兩條生菜，同樣係沾滿左沙嗲汁，所以食起上嚟偏鹹啲。
如果你準備接受香港最濃、最重口味嘅沙嗲牛肉湯，咁可以來挑戰，不過大部份嘅人會覺得湯底太過濃、太過鹹、太過油，甚至去到洗腎級別，如果你鍾意平衡得好啲嘅沙嗲牛肉麵，我建議可以去好好運。我自己都算食得重口味，食呢個麵嚟講係可以接受到，不過飲湯就唔得，同埋食到最後都會覺得有啲膩。
张贴