影片
更多
2020-09-29
36 浏览
難得黎將軍澳行街 , 一早上網搵定餐廳訂位食飯 , 今晚揀左 Popcorn 嘅大將食火鍋放題 !! 7:30 pm 去到好多人 , 喺外面嘅大將超市 🤓 行咗一陣就入座 , 卡位非常舒適 , 環境乾淨衛生 大將而家做緊沖繩期間限定放題套餐 , 我哋今次嗌咗石垣和牛放題套餐 ($378 / 位) 😋😋 湯底揀左松葉蟹味噌湯同埋山葵鹽骨膠原雞湯 😏 先講講自助區 ~熟食區 - 炸雞 , 沖繩式木魚燒苦瓜 , 呢個好吸引呀 , 苦瓜甘味濃 , 入面有鯪魚肉 , 大家可以試下 , 幾好食幾特別 ~ 仲有前菜 , 咖哩牛腩 , 飯等等 , 等湯底滾嘅期間可以嚟熟食區醫醫肚先 ! 😌😌配料區 - 選擇豐富 , 不過蔬菜方面就比較少選擇 🤔 , 當日有萵筍 , 椰菜花 , 生菜 , 菇類有秀珍菇 , 雞脾菇 , 金菇 , 仲有必食嘅木耳 !!醬料區 - 吸睛 , 除咗一般嘅生蒜蓉 , 辣椒 , 芫茜 , 蔥 , 仲有好多特別嘅醬料 , 例如麻辣紅油 🔥🔥 , 用嚟配肥牛辣得非常過癮 , 仲可以整紅油木耳 , 另外有椰子芫茜醬 , 呢個我估係配特選雞腿肉 , 有少少椰子雞嘅感覺 , 推介大家試 !
大將而家做緊沖繩期間限定放題套餐 , 我哋今次嗌咗石垣和牛放題套餐 ($378 / 位) 😋😋 湯底揀左松葉蟹味噌湯同埋山葵鹽骨膠原雞湯 😏 
先講講自助區 ~熟食區 - 炸雞 , 沖繩式木魚燒苦瓜 , 呢個好吸引呀 , 苦瓜甘味濃 , 入面有鯪魚肉 , 大家可以試下 , 幾好食幾特別 ~ 仲有前菜 , 咖哩牛腩 , 飯等等 , 等湯底滾嘅期間可以嚟熟食區醫醫肚先 ! 😌😌
配料區 - 選擇豐富 , 不過蔬菜方面就比較少選擇 🤔 , 當日有萵筍 , 椰菜花 , 生菜 , 菇類有秀珍菇 , 雞脾菇 , 金菇 , 仲有必食嘅木耳 !!
醬料區 - 吸睛 , 除咗一般嘅生蒜蓉 , 辣椒 , 芫茜 , 蔥 , 仲有好多特別嘅醬料 , 例如麻辣紅油 🔥🔥 , 用嚟配肥牛辣得非常過癮 , 仲可以整紅油木耳 , 另外有椰子芫茜醬 , 呢個我估係配特選雞腿肉 , 有少少椰子雞嘅感覺 , 推介大家試 !!
呢個 set 可以試曬咁多款牛肉 , 2 款豬肉同雞腿肉 , 牛肉方面 🤗 我地試左沖繩石垣和牛 , 澳洲和牛同美國 SRF和牛 , 3 款入面當然係石垣牛最正啦 ! 滿滿油花 , 配埋日本生雞蛋真係好滑好正 !! 第 2 我會推介美國 SRF 和牛 , 肉味濃而且入口比較嫩 , 豬五花肉亦都好好食 !! 😲😲 無豬嘅騷味同雪味 , 薄薄的 , 又有肥膏 , 又有瘦肉 , 口感一流 ! 絕對唔失色於牛肉片 , 特選雞腿肉軟滑彈牙 , 大家記住試下椰子芫茜醬 💗 ~ 我哋仲另外追加左松葉蟹腳 ($60) ! 鮮味十足 , 帶淡淡咸味 , 價錢合理 ~
另外要大讚佢碗嘅設計 👍👍👍 , 有一個大將標誌嘅隔層 , 食物放上去 , 多餘嘅湯同油就會流落碗底 , 設計非常貼心 , 食物可以喺碗入面放涼 , 同時去除多餘嘅湯同油份 , 亦都唔需要煩點樣倒走碗入面多餘嘅汁 👏👏 ~
甜品區可以自己即埸整新鮮熱辣嘅格仔餅 😗😗 , 操作簡單, 只要倒啲蛋漿落窩夫機 , 等一陣就有熱辣辣嘅窩夫 !! 去埋隔離嘅軟雪糕機配上軟雪糕 , 再加啲脆米喺上面 , 簡直係冇得輸 , 超好食 😍😍😍 一凍一熱 , 口感豐富 , 另外仲有啲糖水同小糕點 , 不過嗰日嘅肉類同窩夫實在太吸引 , 唔記得咗留肚食 🤣🤣 飲品方面 , 有細樽嘅鴻福堂飲品 , 好多口味選擇 , 如果大家想試佢嘅雪梨海底椰 , 記住快啲拎 , 因為每次 refill 都清得好快 , 另外亦都有咖啡機同汽水機 , 我哋就不停 refill Fuze tea 嘅有汽版 , 甜度適中 , 有氣更加爽 👍👍
90 分鐘話咁快就完 , 食到飽飽 😋😋 , 呢間絕對值得回頭 ! 不過提提大家 , 由於食店人氣高企 , 記住要預先訂位啦 💁♀️💁♀️
张贴
