橫掂大家今晚都已約在尖沙嘴，順便找個地方晚饍，來到Mira,因其中一位朋友喜歡食韓燒，而"新羅寶"呢個寶號聽了很久，但未曾試過，咁大家一致決定食韓菜。
來到門口，遲遲都沒有人接待，人手可想像.....
因燒烤枱已滿，我們衹可坐普通枱，唔使燒烤，我反而暗中偷笑。
點了三道菜，有海鮮煎餅、炆牛排骨及海鮮火窩。
跟傳統一樣，上了五小碟前菜，味道都唔錯，尤其那碟蝦醬醃大白菜，幾特別。
跟著來海鮮煎餅，味道比較淡口，要點上隨餅送上的魚露；餅中的海鮮都並不豐富，以魷魚為主兼粉比較多及厚，有點失望；唯一可取是餅身煎得很香口，掙回一點分。
炆牛排骨 - 因我唔好牛，我衹食砵中的配料 - 南瓜及蕃薯，食落有牛肉味的精華，但我沒覺得有什麼特別，反而兩位好友讚賞牛排骨，讚它夠入味及炆得非常軟滑，有入口即溶的感覺。
到海鮮火窩上枱，湯窩並不特別熱，因窩中海鮮已全熟；呢間餐廳祇用氣體爐保温，並不會翻滚一次，我食時都有少少驚。
味道都唔錯兼帶微辣，二人份量，都有兩隻大蝦、一隻花蟹及一隻八爪魚，另有其他如去殼蝦仔、蜆仔等；我本身很喜歡吃豆腐，但韓式的豆腐並不吸引我，比較嚡口有渣，如窩中的幾片已是。
