Wingman (船街) (已結業)

好耐冇同朋友一路食飯一路傾偈，所以今次揀咗一間可以一邊食一邊傾偈嘅餐廳。而且仲可以食吓水食，飲吓酒添餐廳位於灣仔船街嘅一個角落位置，幾乎全條街都係外國人，附近都有好多酒吧餐廳。去到餐廳見到裝潢都好簡單，但係就好適合一齊傾偈嘅地方。餐廳角落位有個Bar位，可以飲mocktail or cocktail，真係好啱放工輕鬆吓。望到呢個燈牌，都知道係食雞嘅專門店。點了一份新加坡辣蟹味嘅雞翼，雞翼唔會好乾，而且味道仲好好添，中意食辣嘅朋友一定唔可以錯過！雞翼嘅表面有炸蒜、辣椒同香蔥，味道非常夾！另外點了一份黑松露薯條，薯條非常新鮮，而且鹹味好足夠，配搭埋黑松露醬，真係絕配！薯條仲要係幼薯條添，真係啱曬一邊傾計一邊食。