酒鍋 (V Point) (已結業)

之前行經尖沙咀已經好想食，不過一直都未搵夠腳，今次同朋友聚會喺銅鑼灣見到有分店，一於決定去試試先，今次就試咗佢最新出嘅套餐。酒鍋30道豐味 歡樂時光套餐每位328雖然有啲貴，但齋睇個Menu已經見到超多嘢食，同埋食物質素高，一分錢一分貨。湯底淨係湯底都已經有四款:麻辣，肉骨茶，青咖喱同椰子雞。我自己比較鍾意食肉骨茶同青咖哩，肉骨茶有好濃嘅藥材同豬骨味，但唔會太苦; 而青咖哩有少少辣，但食落好過癮，有少少冬陰公味。食材:佢有超多食物，當中有幾樣我覺得特別出色既。日本黑毛豬腩肉見到佢既油脂分布，已經流晒口水。食落唔會太騷，入口慢慢化開，好好食。掛架頂級美國安格斯牛頸脊掛架這回事，噱頭既野，嚇我唔到嘅，不過老實說都真係幾好味，見到佢啲肉嘅顏色同食落口都知道食新鮮的。鴨鴨一方面好可愛，一方面好殘忍。其實食落口都係一粒手打丸，勝在外型可愛同心思。總括而言，佢個套餐有超多嘢食兩個人其實係食唔晒。我建議大家可以叫埋大胃王朋友或者打包拎走，唔好浪費食物😂