粗菜館 (已結業)

早排經過九龍城，見到有一間叫粗菜館的地方，問下人八卦下係食D乜，原來呢間係出名食豬油撈飯，搜尋到港島區有分店，今晚去開炮台山，所以想試下。這裡應該係新開的，環境都好乾淨，服務員態度友善，在嚟之前已經SEARCH咗呢度有D咩招牌菜式及人家D食評，我今次想試下炒魚腩同涼瓜炒蛋先。可能時間早，不用等位，一坐低，揭一下餐牌後就好快落ORDER，可能個侍應聽錯咗，所以開頭送錯咗碟蝦仁炒蛋來(我見都炒得好靚)，不過佢知道搞錯後都即刻攞走，不久炒魚腩到，D魚腩趁熱食，D皮係脆脆的，熱辣辣好好食，豬油飯呢，其實吾加豬油、豉油都好好食，因為我鍾意呢種飯的質地，吾似有D地方的白飯腍到似冷飯，我都有加油同豉油食，試下咩味同感覺，油其實聞到有少少香蒜味，不過吾知係咪用肥豬肉炸出來，但又吾見有白色膏狀喎，應該係改良咗了。。。食到一半時涼瓜炒蛋嚟，聽就聽得多呢個食譜，但未食過或煮過，今次係第1次食，賣相好又好食。今晚餐飯雖然係好普通的家常餸菜，但要煮得好食都吾容易架！好滿意啊！