大自然素食

营业中

休息中

8月4日星期五，我和两位朋友于铜锣湾大自然素食晚餐，7点钟去到都即刻有位，仲俾咗张六人枱我哋，三个人当然坐得好阔落，第一时间当然叫咗嘢食先，点知等咗好耐都无嘢食，后来才知道职员忘记了落单，唯有再睇多次餐牌，重新落单。等𩠌到嘅期间，有位职员清洁完隔离张枱后，当铺枱布时，竟然完全无理会到其他食客，好大力地将枱布打开，即时将枱布嘅上嘅毛粒，飞到我哋成张枱都系尘，唉，连茶杯嘅水，都唔饮得。建议换哂啲唔甩毛嘅枱布。当晚我哋叫咗三个𩠌及一客八件嘅加州卷，讲真食物水准还可以，不过加州卷就一般，仲有芦笋素菜汤饺，饺子实在太大只啦，皮又比较厚，浸住系汤度，当要食嘅时候啲皮就唔系个个钟意食啦，如果包细只啲，口感一定会更加好。最后值得一赞嘅就系走之前，每位客人都有绿豆糖水一碗，唔会太甜，味道唔错！总括：铜锣湾咁多食肆，短时间都唔会再约朋友到这间大自然素食，因为两位朋友都不太满意佢哋嘅服务态度。