茶聊 (已結業)

今日喺旺角睇戲🎬 睇完就搵下附近有冇咩好食。結果上網見到茶聊，好像不錯，就去了。位置很方便，好易搵。茶聊嘅成個環境，裝修都唔錯，幾好feel 👍🏻店員帶我哋坐低，自己睇完餐牌就去返Cashier 落單。可惜，Cashier 嘅店員態度麻麻，先扣一分。(´･_･`)等左一陣，野食嚟啦！黃金軟殼蟹蟹膏龍蝦意大利飯。食物賣相唔錯，味道都幾好👍🏻 又可惜，可唔可以唔好俾隻爛碟客人，好易介到手的⚠️朋友叫左蝦球芝士和牛漢堡配薯條!呢個好好味，漢堡出色，薯條新鮮，熱辣辣送上。我哋叫左一杯野飲，紫薯髒髒鮮奶。望落去好似好濃郁，但其實無乜味，個底都只係奶味，靠上面幾粒紫薯，自己咬碎先有味，基本上係分開哂d味。*特別一提，食食下，因為隔離枱用膳完畢，有店員清潔，並且用消毒噴劑消毒枱面。消毒嘅原意係好嘅 可惜，佢冇留意到隔離枱嘅我哋，其實當時如果佢將消毒噴劑直接噴喺手上面嘅抹枱布度，做清潔就冇問題，但係❌佢就直接用消毒噴劑噴落枱面，其實期間有唔少會彈到去隔離枱。❌而當時我又食緊野，對於咁近距離有消毒噴劑彈到我，我覺得店員原意係好，但唔夠細心。尤其疫情期間，一切一切都要更小心，更細心。總結，食物方面其實都唔差