PHO 會安 (已結業)

一心一意黎到，為左試會安白玫瑰，一坐低就order會安白玫瑰，誰知得到的是......侍應姐姐簡潔有力地回應一句：「冇。」極度失望的我，都忘了細問，到底是沒有存貨／季節限定／晚市唔做白玫瑰／餐廳以後都唔做白玫瑰。最後和朋友兩人，簡單地點了兩個食物和飲品。 薄荷青檸特飲：入口清新，有種令人refresh的感覺會安拼盤： 柚子沙律－－是普通，但已經係拼盤中最好吃的東西，最少柚子鮮甜，感覺清新 鮮蝦豬肉米紙卷－－內容物入口清爽，可惜米紙較厚身 香煎札肉＆香脆蝦片－－每樣只有兩片，極為寒酸（其實，佢唔好係餐牌上寫到明，令人覺得只係配菜，反而仲好） 會安炸雲吞＆越式香卷－－兩者都不值一提，炸到過哂火，跟本上，完全食唔出係咩黎 牛油雞飯：賣相差都不在話下...牛油唔均云先係死罪。我吃到的雞塊都沒有牛油味，但友人吃了一件之後，卻說牛油味太重。細看之下，發現原來只有一兩件雞塊沾有牛油......而且，雞塊本身亦是一個大問題，雞塊完全無雞味，厚厚的炸粉更是雞塊本身形狀的兩倍都唔知食粉定食雞總括而言，環境和服務唔錯，係一個和朋友傾計的好地方，可惜，價格和食物質素不成正比。