札幌拉麵 Miso No.1 x 辛味屋 (已結業)

將軍澳，一個除了工作先會去既地方。原來都有好多商場同餐廳，今次同事揀左食拉麵。睇到餐牌有好多選擇，見到有個$68午市自選套餐有拉麵，有飯，有小食十分吸引。所以就揀左個雜錦拉麵配雞軟骨，雜錦拉麵有半隻全熟雞蛋，海帶，蟹肉棒，粟米，叉燒肉。湯底無特別，好似細細個係美食廣場食既拉麵甘。無特別出色都無咩特別要講話唔好食既。想特別一提既就雞軟骨串燒，有3串而且每串份量都唔少，加左檸檬汁令到食起身唔會感到油膩，而且選用既雞軟骨唔會痴住好多肉，而且有油脂位，燒得岩岩好，唔會太乾身，重點有少少咸香。覺得呢度小食比較出色，如果有機會再黎會試埋其他小食。