影片
更多
2017-12-19
188 浏览
今日同家人慶祝生日兼提早做冬，開心日子當然要搵返間好味道嘅中式餐廳食番一餐啦！上網睇過LEE間都有好似幾好咁，主要係食潮州嘢，始終係做冬，點都要家人同意，一經批準就訂位嚟一試喇！餐廳嘅環境都唔錯，地方好大，感覺都算舒適，燈光就偏暗一點，中式餐廳比較少見，個人就覺得光猛D會精神D，氣氛LEE D嘢都係啱二人世界多D。今日主要都係叫咗一D推介餸菜同埋偏好食物，整體都係好味嘅，連前菜嘅花生同鹹酸菜都清埋，勁！今晚合共叫咗八道菜：杏汁白肺湯：正！杏汁味好重，又濃又滑，質感有D似糖水；豬肺都新鮮又乾淨，味道佳。只係小朋友就唔係好啱，飲咗兩啖就SAY NO，可能怕咗佢陣杏汁味吧！滷水鵝肉拼滷水汁味道都幾好唔會太鹹，鵝肉都多，豆腐入味，係墨魚片唔夠爽口啫。潮式北葱羊腩煲：冬天人多通常都必食羊腩煲架啦，今日我哋都唔例外，LEE間羊腩肉都算比得多，忟得又夠淋，除咗支竹，仲有好多粒大大粒嘅馬蹄，我至鐘意食，但最得意嘅地方係佢加配嘅生菜係煮過而唔係新鮮洗好出嚟嗰種，有D古怪，唔通怕我哋煮得唔熟，哈哈！鮑汁扣鳳爪：鮑汁好味，鳳爪忟得都淋，小朋友至鐘意，食完一隻又一隻，我就比較鐘意食D花生，唔洗同佢哋爭呀麻！麻
今日主要都係叫咗一D推介餸菜同埋偏好食物，整體都係好味嘅，連前菜嘅花生同鹹酸菜都清埋，勁！今晚合共叫咗八道菜：
杏汁白肺湯：正！杏汁味好重，又濃又滑，質感有D似糖水；豬肺都新鮮又乾淨，味道佳。只係小朋友就唔係好啱，飲咗兩啖就SAY NO，可能怕咗佢陣杏汁味吧！
滷水鵝肉拼滷水汁味道都幾好唔會太鹹，鵝肉都多，豆腐入味，係墨魚片唔夠爽口啫。
潮式北葱羊腩煲：冬天人多通常都必食羊腩煲架啦，今日我哋都唔例外，LEE間羊腩肉都算比得多，忟得又夠淋，除咗支竹，仲有好多粒大大粒嘅馬蹄，我至鐘意食，但最得意嘅地方係佢加配嘅生菜係煮過而唔係新鮮洗好出嚟嗰種，有D古怪，唔通怕我哋煮得唔熟，哈哈！
鮑汁扣鳳爪：鮑汁好味，鳳爪忟得都淋，小朋友至鐘意，食完一隻又一隻，我就比較鐘意食D花生，唔洗同佢哋爭呀麻！
麻醬手絲雞：本來唔係叫LEE個餸，原因係大家諗緊叫咩餸嘅時候，隔離上咗LEE款，個樣又好得，所以叫，咁佢確實係好味嘅，雞肉肉質都滑啦，麻醬唔會太多，混在一起食味道啱啱好，手絲雞對小朋友黎講容易食，所以係唔錯嘅選擇。
芋茸香酥鴨：香酥鴨又炸得好酥喎，好鬆化，鴨雖然只有薄薄一浸，都有鴨香，加埋LEE牌芋頭好靚，入口有即溶嘅口感。
手打魚蛋煮津菜煲：魚蛋味道偏鹹咗D，而津菜呢靠廚師細心，將菜切成細小，人多嘅時候真係方便大家，每人都可以品嘗到。
紅燒豆腐：味道都可以，汁可以小一點會更好。
今日唯一有D失落係居然LEE度係無甜品水晶包，仲諗住潮州食肆一定有添！
张贴
