祥興記上海生煎包 (已結業)

某日去呢度食lunch，係門口見到佢個open kitchen，啲師傅都好有姿勢，心想應該都會有實際。入面係以自助搵位買飛形式營業，所以都冇咩服務可言，好似啲連鎖快餐店咁。點咗一客生煎包，咖喱豆卜粉絲，蘿蔔豆卜粉絲同埋兩杯野飲。首先要講講野飲，點解係一次過講兩杯野飲而唔係逐杯講？唔係筆者懶，而係兩杯野其實一樣味，只係顏色唔同。到到生煎包，味道其實不錯，但皮的確好薄，不能夠單靠幾個生煎包（或者叫做生煎餃）就能夠醫飽個肚。到到兩碗粉絲，都係同飲品一樣，名字雖然唔同，但都係用咗shimizu湯底，即係清水湯底，就算有一碗聲稱係咖喱口味，但都係染咗色而已。令人能藉此明白莊子物我不分既思想，物我間係名字外表上或有分別，但本質上所有物種皆一樣。不過呢度既致命傷就係冇食物選擇，筆者今次所叫既就已經係個度既所有選擇，好多都係迫於無奈先要叫，就好似民主進程一樣。