喜喜冰室 (已搬遷) 新店位置

之前一早跑完馬拉松...就好餓要搵早餐食..係維園行返出黎,行過見到好多人等下...原來係出名o既喜喜冰室,見咁多人食我同朋友都二話不說,不如就食lei間啦...等左一陣位啦,入到去都坐滿人, 大家都差唔多食兩三款餐, 冰室其實好新淨, 不過就加入左好多古老懷舊擺設, 係刻意去懷舊...全部杯碟都係喜喜..喜喜...同喜喜....叫左野食好快就有,炒蛋多士, 係牛油厚多, 金黃色,唔似係多士爐烘的,唔夠香脆同熱, 但係有少少芝士味都幾香, 炒蛋都算滑, 而火腿通粉雖然係普通,但佢整就好好味,湯底濃郁, 通粉有d彈牙, 一條條厚o既火腿絲,比起平時一片片o既好食,更有咬口..欣賞lei個普通就黎但整得好好食o既火腿通...黎到lei d冰室食早餐我一定係揀熱奶茶, 香滑茶香,唔錯~~價錢貴少少啦, 都好似29蚊個早餐..但係無欺場, 好味~