入到去店中有濃濃嘅日本味佈置，入到去睇下其他食評先知原來呢間店好多人都讚，但食落發覺唔係想像中好食。
入到去點左個雞叉燒辛辣雞白湯拉麵，點左麵嘅硬度係適中嘅。首先麵比想像中細，我相信如果大食啲都應該要加多個替玉先夠；湯底方面，唔覺得有特別的濃郁，相反隱隱食到一點味精嘅味道(有啲似某即食麵牌子嘅味)(食完係仲有啲口喝)；麵底方面，點的係適中，但唔知點解個麵感覺仲有啲硬，唔知如果點麵嘅口感係硬嘅時候有幾硬呢？
成碗麵中最特別應該係雞肉叉燒，首先响出面未見有雞肉叉燒，味道都入味，而且唔會鞋口，唔會覺得好油。
食到最後，見到個餐牌個抹茶雪糕幾靚，好奇下決定點黎試下先，為呢餐作為一個尾聲，雪糕係即叫即做嘅，所以要等一等先到嘅，感覺反而雪糕有驚喜。樣子都精緻，雪糕有抹茶味。
總結：對拉麵嘅味道可能有啲期望過高，還是之前睇到嘅評價太高，食落去去感覺有失望，拉麵不似預期，若以同樣價錢，我相信會食到一間更好。
