八歌仙 (家樂坊) (已結業)

./If you expect disappointment, then you can never really be disappointed./今日放半日假，難得同男友子食午餐，諗住試下新野，去左旺角既八歌仙。佢午市餐牌有7折，又好多野食好抵咁，本身我地都幾期待，但食完…就真係無下次🥲🔸食物食物方面有燒肉、火鍋肉、火鍋配料、壽司、天婦羅、串燒等等…menu上面的確係好多款食物既，但係就好多都售馨，我地食中間果個價錢既肉，suppose係可以食埋低一級既美國牛肉，但佢就全部售馨😅（我cap左幾張圖放係最後幾張，後尾cap下都唔想再cap）質素方面就一般般，除左火鍋既M9+澳洲和牛肩胛比較好外，其他都一般，燒肉睇落幾靚，但食落就無咩肉味同比較韌🥲其他食物就不過不失，放題級數，不過店舖漏單情況亦都幾嚴重，本身有叫一啲火鍋配料最後都無黎到。🔸服務最令我肯定自己唔會再去既，就係服務！我地大約兩點零去到，全場唔多客人（大概5-6枱），前場亦有三個waiter，但我地入到去舖頭坐低，到成到落到單都等左10分鐘以上，到再拎到QR code點單已經係20分鐘後既事…仲要係我地自己行出去叫個店員落單