影片
更多
2015-05-06
1442 浏览
小店, 裝修雅致, 大約只有十張小檯, 位於友人住的”富裕台”樓下, 四年前, ”富裕台”尚未做外牆翻新工程, 住宅售價大約八、九千元一呎. 當做完全屋苑大維修後, 去探這位朋友, 也覺眼前一亮, 十足豪宅風範, 朋友說呎價已經變了一萬四千元一呎了, 當然, 這也包括了隨市場上升的樓價因素, 而單是維修後的升值, 估計大約也有二、三千/呎…. 果然, 人靠衣裝, 物業都係一樣….上午11時, 入內坐低, 老闆急急腳走來, 提醒: 早餐尾聲, 叫就要快手…香草雞肉火腿絲湯米, 配蛋和多士, $38, 米粉屬於台式的幼身品種, 米粉唔同麵, 麵好易淋, 米粉無咁易淋. 湯底是金寶忌廉湯, 如果以純湯考慮, 則味道較淡, 但如果以配粉麵的湯底考慮, 則可以表受. 雞肉是有燒邊的款式(應該即係餐牌所言的香草邊), 整體味道與口感不錯.炒蛋多士 炒蛋賣相好 但只是表面，類似大家樂式 中間已經硬實 多士烘得半燶 滿意煙肉磨菇洋蔥炒蛋, 配裸麥多士, $47, 蘑菇和煙肉是混了蛋一起炒, 各人喜愛不同, 我比較喜歡分開炒, 因為炒埋一起時, 煙肉通常會唔夠燶脆, 磨菇又唔夠香口, 蛋更一定會過熟,
小店, 裝修雅致, 大約只有十張小檯, 位於友人住的”富裕台”樓下, 四年前, ”富裕台”尚未做外牆翻新工程, 住宅售價大約八、九千元一呎. 當做完全屋苑大維修後, 去探這位朋友, 也覺眼前一亮, 十足豪宅風範, 朋友說呎價已經變了一萬四千元一呎了, 當然, 這也包括了隨市場上升的樓價因素, 而單是維修後的升值, 估計大約也有二、三千/呎…. 果然, 人靠衣裝, 物業都係一樣….
上午11時, 入內坐低, 老闆急急腳走來, 提醒: 早餐尾聲, 叫就要快手…
香草雞肉火腿絲湯米, 配蛋和多士, $38, 米粉屬於台式的幼身品種, 米粉唔同麵, 麵好易淋, 米粉無咁易淋. 湯底是金寶忌廉湯, 如果以純湯考慮, 則味道較淡, 但如果以配粉麵的湯底考慮, 則可以表受. 雞肉是有燒邊的款式(應該即係餐牌所言的香草邊), 整體味道與口感不錯.
炒蛋多士 炒蛋賣相好 但只是表面，類似大家樂式 中間已經硬實 多士烘得半燶 滿意
煙肉磨菇洋蔥炒蛋, 配裸麥多士, $47, 蘑菇和煙肉是混了蛋一起炒, 各人喜愛不同, 我比較喜歡分開炒, 因為炒埋一起時, 煙肉通常會唔夠燶脆, 磨菇又唔夠香口, 蛋更一定會過熟, 所以分開炒會好味好多.
有一些配菜沙律, 羅馬菜新鮮, 味道也好. 提起裸麥麵包, 最喜歡就是金鐘太古廣場的Great Supermarket, 半舊”酸種rye”, 要六十多元, 即日買, 即日食, 好好味, 如果隔了一天, 攞翻出嚟, 除非係好好好肚餓, 否則無可能入口….. 這裡的裸麥麵包, 平易近人, 應該唔會係”全裸麥”, 入口並非那種實實的質感, 反而有些少乾身口感, 可能是放空氣耐了, 加上烘過後, 更加乾上加乾, 無論如何 點都好過唔烘.
另一小兜, 放了一小粒牛油和果醬, 牛油小得可憐, 唔夠我查四分一件包.
咖啡, 只有半杯多少少, 可能因為方便加奶, 但估計, 加了奶後, 都只是有四分三滿, 不過, 好啱我, 因為我好聽醫生話, 通常都只是半杯,
員工服務態度唔差, 但沒有小店那種親切感, 一位女店員對答比較硬磞, 想叫幫手時, 好像專登扮見唔到, 但客觀一點, 只是我的主觀偏見, 不可作準, 但以平均四十元的早餐來評, 我只能給”中評”.
张贴
