NUTTEA (葵涌廣場) (已結業)

成日經過這裡見到堅果幾特別，今日約朋友原來她都有興趣就來試，最後就選擇超正堅果奶試咗拿金奬的 伯爵朱古力堅果奶蓋茶 & 粉紅莓好堅果奶蓋茶 ，不用等好耐就可以飲到，一飲之下真的沒有失望到。拿起個蓋就可試到奶蓋，上面的奶蓋好滑又香，配上碎堅果再加口感。伯爵茶味濃可選甜度要微甜最岩，帶點朱古力香好味道。莓味濃仲帶點莓籽，都是叫微甜最好又清新。這間店選擇十分多，看餐牌都已經十分眼花撩亂，除了飲品仲有家庭裝，今次試了奶蓋，下次有興趣再試水果茶和咖啡。