影の鳥 (已結業)

「影之鳥」座位有VIP 房適合朋友們靜靜傾偈、亦有bar 枱比三兩知己chill 住食串串、飲兩杯。日式裝修格調有分加，令你有如置身直正嘅日本居酒屋。雞肉刺身，本身都有點卻步，但係見香港唔常食到，同埋其實唔係100％ raw所以點咗。上菜嘅時候，係一大驚喜，大家可以拍片呀。雞肉刺身口感有驚喜，肉質帶爽口，伴碟嘅沙律菜亦有濃濃嘅煙燻味，呢款前菜值得推介。網頁寫主要食材係日本直送，可能因為咁各類串燒如和牛、牡蠣等⋯，唔會燒完後好乾身，仲keep 住好juicy好鮮味。串燒方面推介除咗和牛、牡蠣外，雞冠串口感都好特別，大家可以試吓。鴨肉水菜鍋，server 提示湯滾後，鴨肉淥2分鐘左右就可進食。鴨肉果然好tender ，再用帶有鴨味嘅湯底淥水菜，完全感受到湯底嘅清甜。 甜品方面亦非常出色，手工「九龍球」每粒顏色不一樣，令人每一粒充滿住期待。擺盤散發住「金錢嘅味道」，但其實實際價錢就非常相宜。另由於手工製造，限量發售，手快有手慢冇！！！餐廳用上日本備長炭做燃料，食物能保持較長時間熱度之餘，亦不會如平時去完一般居酒屋咁滿身油煙味。店員冇因為我哋坐係房內而less attentive ,會keep