岩岩開業好多人排隊，排左一陣有職員會問你要唔要飲住野，摸著杯底等。 答左要 被安排坐係餐廳外面 電梯下面既梳化位置。想飲cocktails 選擇唔算多，但價錢算合理。
等左一陣侍應帶位 ，唔知係咪新開有啲亂，揾極都揾唔到人落order。
Yellow tuna 放係岩鹽上面 就咁食無一樣野食得出係咩 睇番原來係醃西瓜 同olive 味道好夾
Grilled 18hr pork belly 燒得有啲苦 雖然豬肉好腍 但苦味好出 加上無咩特別 唔建議叫
主角 duck and waffle 餐廳既signature dish
鴨脾有點略乾但waffle都做到外脆內軟 配 芥末糖漿 比起鴨脾個人覺得糖漿味道做得更出色
1
最後甜品
Baked Alaska 應該係熟悉既火焰雪山 外面既蛋白糖面 包著雲呢拿雪榚 由於蛋白糖面超級甜（應該本身個甜品做出黎係咁既味）旁邊既士多啤梨超級酸 所以食到中間既雲呢拿雪榚 有點小清新 。 本身嗜甜都覺得略甜
Chocolate pudding 心太軟 值得一提配芝麻雪樣同芝麻薄脆 芝麻味與心太軟意外合拍 既食到朱古力濃郁 又食到芝麻香。
最後結帳500一位，幾個餐點配上酒精飲品，加上位處ifc，價錢算合理。
據說London 本店開於高樓之上，夜晚睇著夜景，水銀瀉地，而我個fd就話英國本店開24/7佢去既時候特登book 一個天都未光既時間，睇著日出食著duck and waffle做早餐，一樂也。
埋單五百蚊 其實唔太飽 但nice dinning experience,如果服務改善一下會好啲。
