滿屋日本料理 (已結業)

我已經係第3次去食,因為媽咪話要請我食飯補祝生日,所以我提議又到滿屋食放題。每次去侍應都好好,我有bb佢地會安排卡位俾我,等我地坐得舒服d。食物方面夠新鮮之餘,無漏單,不過第二round係會慢少少。魚生一向都無令我過失望,三文魚夠肥美之外,希靈魚真係好好食,甜蝦刺身亦都好新鮮﹗我既另一最愛就係燒菠蘿,佢地燒完都夠香,菠蘿都好甜,唔係度度有得食。無記錯以前甜品唔可以叫咁多次,而家加咗2款新甜品,都幾好味,不過果子就唔係好啱我胃口,覺得個皮硬咗少少。另外飲品方面都加咗幾款韓國入口飲品,份量唔算多,最啱我呢d唔係飲好多汽水既人。侍應每次有求必應,我對佢地服務俾足100分﹗