影片
更多
2017-05-07
150 浏览
聽聞荃灣新開了粥底打邊爐舖，咁近公司，放左工約同事去試下先，同事係愛粥之人，自己又鍾意打邊爐，兩者合一的配搭想必不錯。預先在開飯看看餐牌同食評，見價錢不貴，又有小食送，好似好唔錯咁，好期待呀約八點半來到，看看餐牌，多了套餐，散點方面食物款式亦好像增加了，但價錢相對亦加了一點，而新張期內的免費小食已經沒了，取而代之是fb打卡share有五隻蜆送，是晚點的粥底已有蜆，此優惠就留待下次吧。茶位加醬料費（$18）尚算合理，餐具印有熊貓圖案很有中國味，最特別係筷子，筷子頭是用完即棄的木筷，自行組裝在筷子上，衞生是衛生，但好像有點不環保。醬料盒內有生蒜，炸蒜同辣椒粒，兩盤一樣的不用爭，基本上粥底已很好味，無乜點過豉油。坐了卡坐，很濶落，枱面亦頗大，方便擺放火鍋料。店內樓底很高，空間感十足，冷氣亦足夠，小鳥造型的燈飾很可愛呢。點了阿爺有米粥（$88），看似白粥，但實際上是有味粥，很香口。除阿爺粥附上的配料，有油炸鬼，南瓜同芋頭，仲有一碟蜆。先把南瓜芋頭同蜆全掉到鍋裏，滾一下出下味，等食期間先食油炸鬼，浸一浸吸了粥，稍為軟身一點就食了，熱辣辣超正，油炸鬼就係要配粥食先正。南瓜同芋頭很快便會瀜在粥裏，如
預先在開飯看看餐牌同食評，見價錢不貴，又有小食送，好似好唔錯咁，好期待呀
約八點半來到，看看餐牌，多了套餐，散點方面食物款式亦好像增加了，但價錢相對亦加了一點，而新張期內的免費小食已經沒了，取而代之是fb打卡share有五隻蜆送，是晚點的粥底已有蜆，此優惠就留待下次吧。
茶位加醬料費（$18）尚算合理，餐具印有熊貓圖案很有中國味，最特別係筷子，筷子頭是用完即棄的木筷，自行組裝在筷子上，衞生是衛生，但好像有點不環保。醬料盒內有生蒜，炸蒜同辣椒粒，兩盤一樣的不用爭，基本上粥底已很好味，無乜點過豉油。
坐了卡坐，很濶落，枱面亦頗大，方便擺放火鍋料。店內樓底很高，空間感十足，冷氣亦足夠，小鳥造型的燈飾很可愛呢。
點了阿爺有米粥（$88），看似白粥，但實際上是有味粥，很香口。
除阿爺粥附上的配料，有油炸鬼，南瓜同芋頭，仲有一碟蜆。先把南瓜芋頭同蜆全掉到鍋裏，滾一下出下味，等食期間先食油炸鬼，浸一浸吸了粥，稍為軟身一點就食了，熱辣辣超正，油炸鬼就係要配粥食先正。
南瓜同芋頭很快便會瀜在粥裏，如果想食有口感的要盡快撈起。蜆肉超級鮮甜，正正是蜆當造的季節，鮮嫩肥美，令粥底更美味。
豬潤（$48），朋友愛豬潤，叫了一碟試試，好新鮮，完全無豬臭味，因為是內臟就滾內一點，豬潤很爽口，沒有化學味很不錯。
薑汁皮蛋貢丸（$48），上次在某處打邊爐試過好好味，難得呢度都有就即刻要左一碟，豬肉丸很爽口彈牙，內裏包著強烈的薑汁，還左軟綿的皮蛋，好食又得意。
福建椰菜（$32），係咪就係近年興食的福花？哈。無諗過椰菜花都可以打邊爐，一次同全掉落去，滾內左都唔怕淋哂，硬身時很爽脆，軟身了更鮮甜，又係好味之物。
掉哂落去慢慢滾之時，粥好香的。
最後南瓜同芋頭全部瀜哂，變得又綿又滑。原本諗住叫咁少野唔夠食，但粥底好飽㗎，一路食配料又一路食埋啲粥，最後窩粥仲食唔哂淨返兩三碗份量。店員仲上前問夠唔夠食，使唔使加粥，哈哈，兩個人食唔多，下次叫埋其他friends一齊再食過先。
PS 淨係加左茶芥醬料錢，無額外收費，得公道。
张贴
