影片
更多
2009-10-21
29 浏览
心血來潮想食片皮鴨，鹿鳴春就一定book唔到位，北京酒樓隻鴨又麻麻地，咁我哋就決定試吓北京樓囉！哎~~真係有啲啲失望！片皮鴨啲味道唔差，成隻鴨時啲皮仲係漲卜卜嘅！片好嘅鴨係皮連肉，夾埋啲青瓜同葱，食落無鹿鳴春隻鴨咁肥膩，食多幾舊都唔覺濟，幾好幾好~ 不過，用嚟包片皮鴨嘅薄餅就差咗啲，又厚又粉。仲有，我以為會好似鹿鳴春咁係我哋面前片鴨肉，個waiter哥哥俾我哋睇吓隻原身未切嘅鴨，跟住就拎走去第ニ度切，過咗一陣間就拎番2碟片好嘅鴨肉過嚟。我哋仲點咗其他菜式，啲味道就普普通通啦，我會覺得鹿鳴春同北京酒樓啲菜式比較地道！不過，北京樓個拔絲蘋果做得好好，外面嘅脆漿無炸到甩皮甩骨，又用冰忌廉汽水代替冰水，除咗外面嘅糖漿面夠脆，仲有微微嘅忌廉汽水味，都幾特別！我諗配拔絲香蕉會仲好味~ 不得不提嘅係，北京樓啲service好好~ 啲staff幾有禮貌同周到，見我哋未齊人，會主動問要唔要等齊人先上菜；我哋唔夠薄餅，又唔駛額外另點一份薄餅，仲會順便俾多份青瓜同葱啊！當日有人擺結婚酒，都咁好service，環境裝修又靚，非常欣賞，抵北京樓有咁多外國遊客幫襯啦！
哎~~真係有啲啲失望！
片皮鴨啲味道唔差，成隻鴨時啲皮仲係漲卜卜嘅！片好嘅鴨係皮連肉，夾埋啲青瓜同葱，食落無鹿鳴春隻鴨咁肥膩，食多幾舊都唔覺濟，幾好幾好~ 不過，用嚟包片皮鴨嘅薄餅就差咗啲，又厚又粉。仲有，我以為會好似鹿鳴春咁係我哋面前片鴨肉，個waiter哥哥俾我哋睇吓隻原身未切嘅鴨，跟住就拎走去第ニ度切，過咗一陣間就拎番2碟片好嘅鴨肉過嚟。
我哋仲點咗其他菜式，啲味道就普普通通啦，我會覺得鹿鳴春同北京酒樓啲菜式比較地道！不過，北京樓個拔絲蘋果做得好好，外面嘅脆漿無炸到甩皮甩骨，又用冰忌廉汽水代替冰水，除咗外面嘅糖漿面夠脆，仲有微微嘅忌廉汽水味，都幾特別！我諗配拔絲香蕉會仲好味~
不得不提嘅係，北京樓啲service好好~ 啲staff幾有禮貌同周到，見我哋未齊人，會主動問要唔要等齊人先上菜；我哋唔夠薄餅，又唔駛額外另點一份薄餅，仲會順便俾多份青瓜同葱啊！當日有人擺結婚酒，都咁好service，環境裝修又靚，非常欣賞，抵北京樓有咁多外國遊客幫襯啦！
张贴