沐淳 (已結業)

係元朗行完山，搭小巴到番元朗市中心，太口喝，係手機找找手搖飲品店，有幾個選擇。呢頭當然係好多品牌都有，但其中一個名沐淳，係google map save左，入得黎，當然想試啲呢到先有嘅嘢。以芋頭為主角，頭幾杯飲品都會有芋頭身影，我唔特別愛好，不過人人都話好，咪俾個機會佢試下。我要左最多人選擇嘅小芋圓大甲芋頭鮮奶，講真，味道算幾驚喜，好似食緊糖水咁。濃濃嘅芋頭加上滑滑嘅牛奶，真係透心涼。不過飲完都真另外選了珍珠烏龍豆奶茶，好少會見到有用豆奶，味道清新好多，更加解渴。其他選擇仲有紫薯鮮奶又或者生果系列嘅飲品，可惜當日太夜大部份嘅生果飲品都售罄，下次經過可以再試下。