同撈同煲

营业中

休息中

今晚約咗舊同事出嚟食飯，純粹傾吓偈鬆一鬆，所以今晚叫咗唔算好多嘢。我就燒完烤先去，去到嘅時候已經開緊餐食緊牛頸脊。見到成間餐廳淨係得我哋一台，都驚有啲中伏。但坐低食囉個牛頸脊都幾得，肉味都幾濃。最靚都係個沙嗲湯底，超香濃又有花生粒。不過啱啱食完嘢食，如果唔係嘅話一定留個烏冬落去掛一掛湯。基本上打邊爐啲料都新鮮嘅，尤其是個田雞，劏完出嚟啲腳仲喺度彈吓彈吓。啲水餃都好飽滿大大隻幾足料。食到八點幾全場終於坐咗三份一人。打完邊爐之後仲會有甜品，但係太飽叫佢唔使上，留返下次先再試。事次用餐為自費。