影片
更多
2023-05-01
1121 浏览
Fortnum & Mason 對於喜歡英國文化，或者話喜愛英式下午茶既人都值得一試，一究其深受英女王、英國王室喜愛既原因。Fortnum & Mason 有兩層，餐廳係二樓，要穿過地下商店上樓梯先去到。用餐當日每枱都有食客，所以冇影環境相，但可以係餐廳官網見到，佢裝潢係充滿古典英倫風，尼羅河綠（Eau de Nil)既牆襯托橙啡色既梳發，設計師巧妙咁利用顏色帶領食客穿越到19世紀既英國，就好似你係隔離檯會見到福爾摩斯咁。身為英國以外唯一分店，香港店既獨特之處係佢伴有維多利亞港景色，四時日夜景更替，氛圍感十足。食物方面，雖然係2人份量，但甜點一開始只係會上每樣1件，之後係可以再refill.對於相機食先既港女無疑食物顏色唔夠 eye catching.味道方面，最出色既係finger sandwiches, 有下面呢5種：1. 青瓜配仁香黃油忌廉芝士2. 鮮雞蛋配松鑫蛋黄醬3. Fortnum's 煙燻三文魚配橙香酸豆牛油醬4. Suffolk火腿配哈巴那羅辣椒醬5. 加冤雞沙律其實5種都好出色，一開頭值得每樣食一件試味，但如果要refill, 我推介2-5，因為青瓜相對較普通，而其他
Fortnum & Mason 有兩層，餐廳係二樓，要穿過地下商店上樓梯先去到。用餐當日每枱都有食客，所以冇影環境相，但可以係餐廳官網見到，佢裝潢係充滿古典英倫風，尼羅河綠（Eau de Nil)既牆襯托橙啡色既梳發，設計師巧妙咁利用顏色帶領食客穿越到19世紀既英國，就好似你係隔離檯會見到福爾摩斯咁。身為英國以外唯一分店，香港店既獨特之處係佢伴有維多利亞港景色，四時日夜景更替，氛圍感十足。
106 浏览
0 赞好
0 留言
食物方面，雖然係2人份量，但甜點一開始只係會
上每樣1件，之後係可以再refill.對於相機食先既
港女無疑食物顏色唔夠 eye catching.
66 浏览
0 赞好
0 留言
味道方面，最出色既係finger sandwiches, 有下面呢5種：
1. 青瓜配仁香黃油忌廉芝士
2. 鮮雞蛋配松鑫蛋黄醬
3. Fortnum's 煙燻三文魚配橙香酸豆牛油醬
4. Suffolk火腿配哈巴那羅辣椒醬
5. 加冤雞沙律
其實5種都好出色，一開頭值得每樣食一件試味，但如果要refill, 我推介2-5，因為青瓜相對較普通，而其他4款味都係入口會眼前一亮，果日見到隔離枱兩個女士都係只refill finger sandwiches😋
34 浏览
1 赞好
0 留言
Scone 方面中規中矩，咬落鬆軟，個人鍾意牛油味重d既scone. 佢配以兩款醬：
1. 凝脂忌廉
2. Fortnum & Mason草莓果醬與檸檬酪
果醬新鮮、酸甜酸甜，clotted cream 質地易揸有奶油香。
甜點方面，佢賣相冇酒店出品果d咁精雕細琢，感覺似平時甜品店買既咁，味道偏甜、不過不失，冇特別refill.
25 浏览
0 赞好
0 留言
蛋糕🍰每round唔同，有兩款揀，我哋都揀左外形吸引既粉紅色，不過聽唔切叫咩名，味道大眾化。
25 浏览
0 赞好
0 留言
25 浏览
0 赞好
0 留言
一定要refill finger sandwiches，係主打
29 浏览
0 赞好
0 留言
另一個主打係佢地既茶，紅茶、烏龍茶、白茶、綠茶，仲有Fortnum famous’ blends 調配茶，建議早d去到商店，試聞下唔同茶，又了解下每款功效同飲用時間，就可以揀到自己鍾意既tea配afternoon tea啦😆。
食完afternoon tea會有張即日商店discount card，都有好多精美產品。
张贴
