臨家麵館

营业中

休息中

醬滷大腸沙茶麵（$48）揀咗台灣麵，麵質紮實有口感。滷大腸幾有十片，大部分係肥腸位，有啲仲有膏，正。味道夠味，無怪味，彈牙，不錯。沙茶湯底好香，雖然湯汁唔濃稠，但味道都好香濃，微辣，啱哂鐘意重口味人士。配菜有三款菇、豬肉碎、旺菜絲、芫茜蔥，而且份量都多。蕃茄崩沙腩麵（$65）揀咗台南扁粉，即係幼身河粉，滑身唔糊口。崩沙腩標明「新鮮本地牛腩」，有四大件，有肉有筋膜，牛肉味濃，但肉質唔算軟嫩，比較有咬口，筋膜Q彈唔黐牙。蕃茄湯底有不少蕃茄蓉，酸甜味濃。配菜同樣有三款菇、豬肉碎、旺菜絲、芫茜蔥。兩款湯底都出色，味道很好，兩碗啲湯都接近飲哂（之後完全無口渴跡象）。下次再試埋紅酸湯。