金湖粉麵茶餐廳

营业中

休息中

同朋友喺文化中心聽完音樂會，當時已經 10:00！諗住去番 <Deli and Wine> ，見到仲未 closed ！大家好開心衝咗入去！ 個職員話俾我哋知，準備 closed ！令我哋好失望！ 大家又唔想去開 24小時嘅 M 記食埋啲熱氣嘢！點好呢？我提議走到海防道，起碼呢度有不少餐廳！ 相信仲有啲餐廳仍然開緊！我哋兩個女人呢度影果度影，結果，10:30 先到達海防道，經過新港中心，我見到 <一風堂> 仍燈光火著！ 心想應該唔使等位！ 她說咁夜仲食拉麵？！......繼續行......經過街市行前些少，見到有間粉麵檔 <金湖粉麵茶餐廳>，二話不說就衝咗入去！求其啦！最緊要快啲醫飽肚後，搭車返屋企瞓覺！zzzzz...... 我嘅選擇：四寶米線 $25雖然話就話咁平 $25，四寶唔只係得四粒丸！共有六粒！份量比預期多！ 豬肉丸 & 墨丸尚算爽口彈牙！魚紮包住紅蘿蔔、西芹，不過不失！魚皮餃幾油！米線唔算腍！總算收貨！ 朋友嘅選擇：魚蛋米 $24魚片比坊間粉麵檔嘅魚片仲要薄一半！ 魚蛋唔彈牙，係腍身。至於，米粉只係普通貨色！呢度衛生一般