香港大學學生會餐廳 (已結業)

繼續0係香港大學範圍內食lunch, 繼續食Starbucks 食到想嘔, 今日轉0下口味, 0黎好日都唔0黎一次的呢度, 叫了個套餐($26), 有一碗生熟牛肉湯檬, 一杯熱奶茶同自選小食兩款.熱奶茶幾大杯, 味道一般, d 茶味道怪怪0地, 不過好在唔算難飲, 求其啦.小食揀了春卷同香茅雞翼, 每樣有一件... 春卷叫做幾脆, 不過d 餡(芽菜, 紅蘿蔔絲等等, 仲有一舊舊的粉團狀物體...) 同層皮一樣油得過份, 食了兩啖就放棄了; 香茅雞翼味道可以, 真係有香茅味的, 不過又係油溼溼.見生熟牛肉湯檬賣相咁樣, 都預0左唔會好好食, 唔知係咪因為近乎零要求, 呢個反而ok, 雖然生熟牛肉變了全熟牛肉, 不過肥牛係幾腍又有肉味的; 檬粉碎濕濕, 不過唔會過腍, 算係咁; 湯極多油, 當然無骨湯0既味, 不過面頭落了一小件青檸同好多香葉, 叫做交到0下貨咁啦.招呼, 衛生同環境都麻麻(坐我隔0黎仲有兩個男人0係度大大聲繪聲繪影討論陳冠希勞動百幾個警察0個d「相」, 實在太噁心!), 不過呢度係大家樂/ 大學canteen, 都唔要求咁多了.呢度本來都無乜值得好講, 不過1) $30