影片
更多
2010-02-06
35 浏览
放假去銅鑼灣行街,一到步先去醫肚.下午茶時段要等位,可幸只等約兩個字就可以入座.坐低一睇個menu,發覺價錢都唔平,一個下午茶要成三四十蚊. 據講有個'黑汁炒牛肉河'好食,不過只出現在主餐牌上; 雖然要成$68,但都一試啦.牛河一上檯就已經有疑問: 乜唔係'炒'牛河咩,點解汁同河分開咗?! 所謂黑汁並唔係黑椒汁,而係類似甜豉油的汁,所以都幾甜. 牛肉OK,都算嫩滑. 河粉屬幼身那種,都OK,起碼唔會一舊舊; 但始終唔明點解叫'炒'牛河, 極其量只有牛肉炒過囉...除牛河仲order兩個下午茶,一個係'肥瘦义燒夾餐包'. 餐包唔知係咪自製,有烘過,味道唔錯; 而义燒則如個名有肥有瘦,夠鬆化,盛惠$38.最後係'鮮茄牛脷燴意粉' $46 - 汁夠多,牛脷夠厚夠腍,味道雖然唔係勁好食那種,但都唔錯.可惜最令人費解係論質素論份量與價錢都唔成正比,實在太貴,好難有下次...
下午茶時段要等位,可幸只等約兩個字就可以入座.
坐低一睇個menu,發覺價錢都唔平,一個下午茶要成三四十蚊. 據講有個'黑汁炒牛肉河'好食,不過只出現在主餐牌上; 雖然要成$68,但都一試啦.
牛河一上檯就已經有疑問: 乜唔係'炒'牛河咩,點解汁同河分開咗?! 所謂黑汁並唔係黑椒汁,而係類似甜豉油的汁,所以都幾甜. 牛肉OK,都算嫩滑. 河粉屬幼身那種,都OK,起碼唔會一舊舊; 但始終唔明點解叫'炒'牛河, 極其量只有牛肉炒過囉...
除牛河仲order兩個下午茶,一個係'肥瘦义燒夾餐包'. 餐包唔知係咪自製,有烘過,味道唔錯; 而义燒則如個名有肥有瘦,夠鬆化,盛惠$38.
最後係'鮮茄牛脷燴意粉' $46 - 汁夠多,牛脷夠厚夠腍,味道雖然唔係勁好食那種,但都唔錯.
可惜最令人費解係論質素論份量與價錢都唔成正比,實在太貴,好難有下次...
张贴
