汀汀烤活魚 (已結業)

❄️凍冰冰最適合食番個熱雞煲，同屋企人喺旺角染布房街嘅「汀汀烤活魚」嗌咗個雞煲黎食⋯好似有啲搞笑，但佢地嘅雞煲真係幾好味！🥘沙白雞煲（$198）：雞肉好嫰滑！係小編食過咁多次雞煲最嫰滑嘅雞肉。加入洋蔥及香蔥，令雞肉更加甜口。但需注意，適時就要挾出黎食啦！否則醬汁越煮越濃稠，有機會過鹹呢～沙白有少量沙，但整體而言係鮮甜嘅～🥩本地鮮牛頸脊（$188）：有咬口偏煙韌嘅牛肉！每塊都有一定嘅厚度，肉食者嚟講係幾正架～🍴熟食：因為太肚餓啦，係等嘅過程中嗌咗兩個熟食。- 燒墨魚丸（$16）：墨魚丸口感彈牙，內有粒粒墨魚粒，加上惹味嘅香料粉，上枱時熱辣辣～- 芝士一口牛牛粒（$48）：有四粒一口牛，牛肉有牛味，肉質比較有咬口。芝士溶化於表面，增添鹹香嘅口感同埋層次。如果份量可以再多啲就好啦～🍻由於雞煲都屬於重口味，小編叫咗幾款嘢飲～（其實都係大家超市買到的飲品）- 西柚味真露（$58）：就係西柚味嘅真露⋯- 得米烏龍茶（$13）：普通罐裝烏龍茶。- 天地一號蘋果醋（$16）：甜甜酸酸，解膩解辣，卡路里比想像中低！可購入。😌整體而言：1. 店員友善，無論落單或上菜都好快速～老友鬼鬼幾好傾，食客有問佢地有答