汀汀烤活魚 (已結業)

一向都鍾意烤魚、雞煲嘅我，見到汀汀烤活魚呢間餐廳依家由地面搬咗上樓，地方闊落咗，而且裝修風格好有玩味，啱晒打卡😚我地叫咗個小龍蝦雞煲，超級好食😋首先個小龍蝦同雞煲嘅combination已經好特別，雞件滑身又勁入味，而且大大件好多肉，愈食愈惹味；小龍蝦都好高質，肉質結實，唔會食落散晒個啲，辣辣地夠晒香口🥰小食方面叫咗青瓜皮蛋，都滋味滿滿，青瓜清脆爽口，皮蛋Q軟，仲有滿滿嘅蒜，風味十足🤩飲品就叫咗兩位特飲—百香果綠茶特飲同百香果梳打特飲，兩杯都係以前地舖冇嘅，味道清新，甜甜地又勁解渴，啱晒今晚呢餐，個人更鍾意梳打個杯，有汽更爽☺️餐廳內部設計好有心思，燈光都配合晒玩味主題，職員們都好friendly，食得好開心😍