影片
更多
2022-06-07
36 浏览
茶茶台式料理📍旺角豉油街60-104號XX Arcade地下AB號舖香港嘅台式料理就多啦，但係大部分都係牛肉麪、滷肉飯之類，而我一直都有睇開台灣嘅youtuber，一直對台灣嘅臭臭鍋同臭豆腐好有興趣，咁啱就被我睇到呢間茶茶台式料理有，就決定試下啦，點知又真係幾有驚喜。🌃位置喺豉油街，大家都應該去慣嘅，附近都有好多野食，而且個鋪位都幾大，容易揾到嘅~🥘食物臭臭鍋同牛肉麵都喺嗌咗中辣，我同我frd都係食得辣嘅人，所以覺得唔係好夠喉，所以食得辣嘅人可以大膽嘗試❤️招牌臭臭鍋+滷肉飯呢個臭臭鍋入面幾足料嘅，牛肉、臭豆腐、米血糕、蜆肉、椰菜等，又有菜又有肉，幾豐富，嗰湯其實唔臭，反而幾香，好好飲，加埋啲料都好食，特別係米血糕，紮實得嚟又好香，我同我朋友都好鍾意，但係記住要熱食，唔好等到凍哦~同埋有個獨家食法，食晒鍋啲料之後，加個滷肉飯，可以撈埋啲湯食，幾夾~推薦度： 😋😋😋😋❤️秘製麻辣牛肉麵你地睇個麵好似好油咁，但係食落其實啱啱好，牛肉雖然好大舊，但係好軟熟，油脂分佈平均，入口即化咁，而且個調味都好好，有啲滷水味，又食到牛肉本身嘅牛味，十分好食 🤩而且份量好多，會話係本日最佳，麵嘅質感都好正，而且
📍旺角豉油街60-104號XX Arcade地下AB號舖
香港嘅台式料理就多啦，但係大部分都係牛肉麪、滷肉飯之類，而我一直都有睇開台灣嘅youtuber，一直對台灣嘅臭臭鍋同臭豆腐好有興趣，咁啱就被我睇到呢間茶茶台式料理有，就決定試下啦，點知又真係幾有驚喜。
🌃位置
喺豉油街，大家都應該去慣嘅，附近都有好多野食，而且個鋪位都幾大，容易揾到嘅~
🥘食物
臭臭鍋同牛肉麵都喺嗌咗中辣，我同我frd都係食得辣嘅人，所以覺得唔係好夠喉，所以食得辣嘅人可以大膽嘗試
❤️招牌臭臭鍋+滷肉飯
呢個臭臭鍋入面幾足料嘅，牛肉、臭豆腐、米血糕、蜆肉、椰菜等，又有菜又有肉，幾豐富，嗰湯其實唔臭，反而幾香，好好飲，加埋啲料都好食，特別係米血糕，紮實得嚟又好香，我同我朋友都好鍾意，但係記住要熱食，唔好等到凍哦~同埋有個獨家食法，食晒鍋啲料之後，加個滷肉飯，可以撈埋啲湯食，幾夾~
推薦度： 😋😋😋😋
❤️秘製麻辣牛肉麵
你地睇個麵好似好油咁，但係食落其實啱啱好，牛肉雖然好大舊，但係好軟熟，油脂分佈平均，入口即化咁，而且個調味都好好，有啲滷水味，又食到牛肉本身嘅牛味，十分好食 🤩而且份量好多，會話係本日最佳，麵嘅質感都好正，而且個湯真係一流，完全唔係味精湯，飲幾多都唔口渴，辣辣地好過癮，唔食得辣嘅話，都可以嗌紅燒牛肉麵，應該都會好正~ 🥰
推薦度： 😋😋😋😋😋
❤️麻辣臭豆腐
我十分鍾意呢個小食，其實唔算好臭，係入口嘅時候會有少少臭味咁，外皮薄薄嘅一層脆皮，但係入面依然保持到豆腐嘅嫩口，加埋臭豆腐嗰種獨特嘅味道，好上癮，去到最後幾乎係同frd搶嚟食咁 🤣而且上面嘅辣醬簡直係點睛之筆，雖然唔係辣，但係好香，大家嚟到真係必嗌~ 😝😝😝😝😝
推薦度： 😋😋😋😋😋
❤️百香果綠妍食咗咁多重口味嘅嘢，當然要嗌下啲酸酸甜甜嘅嘢嚟解膩啦，而呢杯嘢完全做到佢嘅職責，綠茶同百香果嘅比例啱啱好，唔會太甜，清清地，幾好飲的~
张贴
