影片
更多
2021-12-08
78 浏览
漁道樂你真係好叻，我為咗你開account 黎寫呢篇食評！升職所以女朋友請食飯，諗住食餐好啲既日本菜，上網睇食評又見咁多人like，雖然唔平，就book咗呢間諗住唔會中伏！一入門口感覺店舖都幾闊落，裝修都幾靚，點知攞枱嘅時間佢就話只可坐二人枱，現場只有兩張二人枱可以坐，但望落去張枱細到唔知夠唔夠放到三碟餸，都無所謂啦諗住體諒吓而家生意難做鋪租又貴，行埋張枱度發覺頭頂個冷氣直吹好大風，我見到其實仲有好多枱但係全部都係四個座位，咁我就問嗰個男經理：請問可唔可以轉其他檯或者關細一些冷氣因為好大風，跟著佢就答：因為疫情問題而家個出風量要好大跟食環署指引所以冇辦法。咁我哋企左喺度猶豫咗一陣，跟著呢個男經理一句說話：果邊有四人枱可以坐最低消費$2500，你係咪轉？佢咁講我已經有少少滾滾地，第一我唔捨得女朋友請我食飯洗咁多錢，第二兩個人又唔係大食我唔知點樣同你食到$2500 ，第三呢個答案係咩服務態度？！最後都屈服坐二人枱，叫左$328刺身拼盤，一串牛脷，一客雜錦天婦羅，同埋Menu推介嘅海膽海鮮炒飯，女waiter落單冇啲禮貌，不過呢個都算數，態度差嘅waiter每日係茶餐廳受過所以頂到！好啦！上
升職所以女朋友請食飯，諗住食餐好啲既日本菜，上網睇食評又見咁多人like，雖然唔平，就book咗呢間諗住唔會中伏！
一入門口感覺店舖都幾闊落，裝修都幾靚，點知攞枱嘅時間佢就話只可坐二人枱，現場只有兩張二人枱可以坐，但望落去張枱細到唔知夠唔夠放到三碟餸，都無所謂啦諗住體諒吓而家生意難做鋪租又貴，行埋張枱度發覺頭頂個冷氣直吹好大風，我見到其實仲有好多枱但係全部都係四個座位，咁我就問嗰個男經理：請問可唔可以轉其他檯或者關細一些冷氣因為好大風，跟著佢就答：因為疫情問題而家個出風量要好大跟食環署指引所以冇辦法。咁我哋企左喺度猶豫咗一陣，跟著呢個男經理一句說話：果邊有四人枱可以坐最低消費$2500，你係咪轉？佢咁講我已經有少少滾滾地，第一我唔捨得女朋友請我食飯洗咁多錢，第二兩個人又唔係大食我唔知點樣同你食到$2500 ，第三呢個答案係咩服務態度？！
最後都屈服坐二人枱，叫左$328刺身拼盤，一串牛脷，一客雜錦天婦羅，同埋Menu推介嘅海膽海鮮炒飯，女waiter落單冇啲禮貌，不過呢個都算數，態度差嘅waiter每日係茶餐廳受過所以頂到！
好啦！上菜編：
我哋大約7:20落單，結果等咗四個字先有第一點牛脷串，再等咗5分鐘再嚟買刺身拼盤同雜錦天婦羅，其實時間可以接受但因為嗰個位實在太凍，食完再等咗10分鐘唔都未見過炒飯出嚟，嗰陣時我同我女朋友個頭已經吹到頭痛，再催過女waiter同佢講因為太大風可唔可以快啲嚟俾我食完即刻走？！結果7:50先到（如果你客人多我都盡量接受，但係我哋入嚟嗰陣時得幾張枱有客大部份都已經食緊野，出菜真係有啲慢）
食物質素
$328 刺身拼盤- 如果大家去食請你地唔好期望佢同Menu嗰張相有任何相似嘅地方！Menu嗰張相影到綠野仙蹤咁鬼咁開心，好似大量沙律菜伴碟，雖然份量唔多但張相都起碼有三文魚腩同兩隻望落去size唔細嘅蝦，好啦事實我哋黎果盤係變咗做冰天雪地，咩菜都冇，只係一堆冰托底再插幾支唔食得嘅裝飾草喺度，大蝦變咗兩隻甜蝦仲係細細隻嗰隻，兩片三文魚，兩片墨魚，兩片油甘魚同埋兩片唔知咩魚，數埋10片，再加一片細細海膽，咁就$328！（由於想快快食完走人所以冇影相）
$88燒牛舌
完全未燒熟就上菜，唔緊要我照啃咗佢！
$198所謂嘅招牌海膽海鮮炒飯
呢碟飯嘅質素相信你係任何一個屋村或者落深水埗任何一間所謂嘅海鮮炒飯都好食過佢！二所謂嘅海膽（睇相係新鮮黃色海膽大大塊）結果係一塊好似過咗期啡色嘅海膽咁！咁又$198！
埋單最後$800幾，可能我窮又對食物有少少要求所以我覺得唔值，食物質素完全冇性價比！我寫呢篇食評第一真係食到一肚氣，第二今時今日做生意你收得人錢唔該你俾啲似樣啲嘅嘢人哋食！唔係咁好彩個個有錢會入嚟食你嗰貴野！
张贴