大喜屋 (已結業)

好耐無同朋友食放題la！見最近成功瘦左小小，一於比自己放縱一下，去食返個放題先得la！放題首選就一定係大喜屋la，選擇多之餘地點又十分方便，今次就去尖沙咀既大喜屋試一試先la！一出lift 店員好快就問我地拎booking 號碼，之後好快就帶我地坐低左，大喜屋轉左用電話scan QR code落單，方便之餘仲有得計住自己嗌左d咩食。我地首先當然係叫左剌身同壽司食啦！剌身種類好多，連平時小見既象拔蚌都有，食落仲要好新鮮又一啲都唔腥，抵讚！三文魚厚切，帶子鮮甜。而壽司都唔弱，最好食既就一定係花之戀啦，上面d蟹子脆卜卜，仲有舊三文魚都係同刺身個舊一樣咁高質，食完一舊已經好滿足la！熟食方面都有好多唔同選擇，質素好，每樣叫少少咁就乜都試到。最後仲叫左個蟹粥食，啲粥煲到好棉心而d蟹都好鮮甜，一個人絕對可以食哂一煲呀！大喜屋呢間放題真係永遠都唔會令我失望！