川公所 (已結業)

上星期想住同屋企人食川菜，見淘大新開間打算去試吓。在門口等左半個鐘到入左去，裝修顏色都幾鮮艷，讓人眼前一亮！剛坐低侍應同我講用手機落單然後行開咗，於是我哋自己用電話搵，選好準備落單時發現電話卡住左，等左一陣都無反應，我就叫侍應幫我睇下有冇落到單，佢睇完話電腦無單，我哋只好退出重新落單，落好單后等左十幾分鐘條烤魚就上咗嚟，我明明叫咗BB辣結果條魚上面全是辣椒🌶️，我老公同大仔平時食十二味或其它川菜都係叫中辣都食到，但係這個食咗一啖已經話好辣，要叫凍野飲，我這個平時無辣不歡的食完都覺得好辣，而且得個死辣，只食到辣味，其它咩味都食唔出！酥肉～一看就知道是翻炸的，食落整口面粉，又硬！辣子雞～也不知道是炸過幾次個啦，吃唔到雞味兒，就一個脆字，食炸面包仲好食過佢！羊肉串～我無食，唔知味道，但睇落好細串，我唔評論！鳳梨炒飯～收得這個價錢我以為點都唔會差到去邊個啦，結果炒得太干，無米飯應有的香味，用食之無味 棄之可惜來形容最為貼切！仲有整晚無換過骨碟，坐低無給過水我哋，要我哋叫做先給咗3杯（我哋5個人）！總之就係酒店的價錢，大排檔的招呼和食物水準，絕對唔會再去第二次！