泰妹餐廳 (已結業)

喺黃埔返工，通常都會周圍搵好嘢食 見有間新開嘅泰國菜，就叫埋同事一齊去試下。首先入到去四位， 個服務員叫我哋出返去等位。 但係出面落緊雨 我哋一於冇理照喺入面等位好啦，見到個午餐牌 ，我哋嗌咗兩個海南雞飯 ，一個蛋花黃咖哩軟殼蟹飯， 一個青咖哩飯 。啲食具擺低超級污糟 跟住問服務員攞杯滾水去洗下 佢居然好堅決咁話，一張枱畀一杯 。所以我唯有去大XX 去攞一套外賣交叉自己用終於，海南雞飯上枱喇 ，睇顏色都唔對路 啲雞勁少 最怕係個三碟醬， 食落完全唔啱你味。啲飯呢食落好騷，有陣怪味 我會畀十分之中嘅兩分半 兩分半係畀番隻雞翼我杯熱青檸水似香精水多啲同事嘅軟殼蟹飯 ，得兩嚿仲要好細舊 食落有腥味總括來說 ，以呢間嘢嘅水準， 睇怕都好難喺黃埔呢個地區立足， 大把嘢好食過佢。 啲街坊都唔係省油的燈。後記 : 呢間舖嘅租應該都唔平，啲咁嘅食物質素，咁嘅服務態度，自己再諗諗點樣經營落去啦。