崗燒 (已結業)

一定一定唔好幫襯！呢間野真係極品，廚房得一條友，都夠膽又做堂食又接外賣仲要接熊貓單，每次落單你要預喺條街熱住企成半粒鐘，落單收銀又唔會講要等咁耐架喎，又熱又攰冇哂胃口。睇到既人唔好再去食！食評叫左個炒飯同拉麵，先講炒飯。我以為自己食緊糯米飯，啲飯黐埋一舊，啲油又多，啲蔥花仲多過啲肉。難食到不得了。個拉麵仲勁，外賣，但係湯同面冇分開，啲叉燒係我有史以來食過最難食嘅，咬落去好似有啲沙質咁，唔知係擺咗幾耐嘅殭屍肉。