鐵牛台灣牛肉麵 (旺角中心第一座) (已結業)

鐵牛一直聽過佢個名，以前係tst開左第一間一直都唔得閒去嗰邊，而家超方便，係旺角開左間分店啦，仲係勁方便，係旺中附近，不過去到好多人，要等一陣先有位 食台灣野點唔少得食牛肉面呢，話明鐵牛，呢到啲牛肉當然係招牌菜，啲面都好多，而且好有口感，唔會太油，仲有好濃既牛肉味 另外，除左牛肉面外呢到仲有蕃茄面，啲面條好似幼細啲，仲有好香既蕃茄味，而且仲唔係味精或者濃縮蕃茄既感覺，料都幾足  芝士炸雞，又黎到最邪惡既芝士啦，炸雞好好味，而且唔會太熱器，細細舊令人想一試再試 台灣人野除左牛肉面外，緊係唔少得國民飲料奶茶同冬瓜茶，呢到冬瓜茶比想像中甜，但係都覺得接受到，而奶茶好多種唔同味，隻隻都應該好好味，鐘意台灣美食朋友唔好走寶啦～