響應table map，第一次奉獻俾peace cafe，見佢有折頭！
見到入面好舒服，設計像典型樓上咖啡廳，雖然稍嫌粉紅紫氣球太女兒家，但佢勝在感覺乾淨，即刻跳上梳化坐！
事不宜遲，開餐！叫了兩份套餐［有湯, 沙律, 正餐, 小甜品及飲品。］，再散叫其餘食物飲品。
套餐的西湯，材料尚算充足，最得意係用提子鬆餅代替麵包伴湯。。。
轉頭好快又到小沙律，材料新鮮。。。
鴨胸田螺意粉，份量算多，味道ok
蕃茄帶子螺絲粉，你睇，都好有心機整gar
卡邦尼煙肉意粉，不過不失，略嫌煙肉太少
車厘茄雜菌蘆荀蛋炒意粉，好味，真係好似蕃茄炒蛋加埋意粉，唯獨係唔肯定是否真係車厘茄，還是普通蕃茄
揾Ｄ嘢＂趙＂吓，來了一個拼盤，好吸引！有蜜糖芥辣腸、雞翼、肉桂烘麵包及鴨胸，好味道到連汁要＂lam"埋
套餐送的甜品有藍莓芝士餅，抹茶餅。。。味道ok；雖然佢件餅真係細得可憐，但都好過客人食剩浪費！
兩個套餐, 1杯散叫飲品, 2份散叫意粉, 1個散叫拼盤, 多謝HK$540幾[連加一; 由table map訂枱,可有95折; 但你唔同服務員, 佢唔會記得俾折, 要小心
!!]
套餐包咁多嘢，價錢都可接受，意粉主食份量充足，算係物有所值；但坦白講，最初見到一個餐要over HK$110，有部份仲要HK$150幾，完全冇想過＂樓上cafe"都要呢個收費，好似貴咗Ｄ
；以往好似唔係呢個價錢。我寧可食少一，兩樣頭盤／甜品，便宜番Ｄ，感覺好Ｄlaw
！
清水
不知從何開始呢間樓上cafe要走高級路線，連水都沒有免費提供！要水？請買礦泉水，另收加一服務費！！
服務
服務員的態度唔錯，還主動為花茶加熱水
；但抱歉，我認為為客人免費提供一杯清水是基本服務，這只係樓上cafe，不要＂扮＂高級食肆般連飲清水都要收錢［更何況客人不是淨飲，亦叫了不少食物］。欠缺基本服務，sorry，我俾低分Ｄ。
1
1
