California Pizza Kitchen (屯門市廣場1期)

营业中

休息中

在屯門市中心逛街逛得累了，搵個地方坐坐順便食埋晚餐，經過這家薄餅店幾吸引，於是就揀佢啦。兩個女子食量有限，叫咗沙律、薄餅及飲品。經典凱撒沙律$120嘩，滿滿嘅帕爾瑪芝士片呀，下面嘅羅馬生菜新鮮又爽脆，麵包粒據說係由秘製蒜蓉牛油整架，香脆可口，所有材料混合埋醬汁更開胃。水牛香辣烤雞薄餅$129薄餅配有特別醬汁薄餅店有自家磚爐烤焗薄餅，熱力均勻圭烤得餅底香脆，餡料除了主角水牛香辣烤雞之外，仲有西芹同埋甘筍絲，當然唔少得芝士啦。送餐店員會現刨芝士絲在薄餅上面，客人可按自己喜好要刨多少芝士架。水牛香辣汁令個薄餅非常惹味，加上香脆口感，令人非常回味。溫馨提示，唔食得辣可以揀原味烤雞冰凍檸檬紅茶正好可以解解辣。呢度環境唔錯，坐得舒服，食物又啱食，無話限時，有機會再來。