譚仔三哥米線 (MOSTown Street新港城中心大街(2期))

营业中

休息中

話說今日突然好想食辣， 就諗起譚仔三哥最近出咗個水煮鴨血米線， 就一於落街買個外賣加返屋企食！ 雖然呢碗嘢等咗成半粒鐘， 但係買到返去食落第一口，就覺得等咁耐係值得嘅！ 講返呢碗麵， 價錢 $39加飲品同埋小食就$14 ， 價錢都還可以。 麵嘅份量算多，特別要讚一讚個豆卜， 好入味。 佢嘅鴨血都好好食， 如果唔鍾意食鴨血嘅朋友都可以試一試， 因為佢唔腥， 整得好好。 我今次叫咗五小辣 ， 對我嚟講都唔算好辣， 但如果唔食得辣嘅朋友仔就唔係好建議你叫呢個餐。 雖然我係叫外賣， 但係攞到返去仲係熱辣辣！講一講小食今次我就叫咗麻辣手拍青瓜， 我略嫌佢嘅辣油多咗少少， 但整體嚟講都係好食嘅！ 希望大家鍾意我嘅分享😆😆