狀元橋 (已結業)

試過其麻辣和糊辣湯，都覺得味道一般，唔夠香。但水煮牛米線試過一次就欲罷不能，好似上左癮一樣，間唔時就會諗起個陣牛油香和麻香。一片紅油浮曬上面，係油架啦，咁水煮係咁架啦！想飲湯？只要輕輕响湯面一吹，紅油就會被吹開，用匙羹一匹就攪掂，個湯勁多花椒粒，乾辣椒，所以係又麻又辣，我覺得有譚仔嘅中辣。米綿黎講佢唔算煙un，屬偏棯果種。牛肉都一般，有時好夠棯，有時會有筋，睇你好唔好彩。水煮魚我試過一次，肉係急凍龍脷柳，有雪味，我個人就唔鐘意啦。另外提一提，佢整嘅凍檸茶就算叫小甜都係好甜，大家睇下飲唔飲啦。