一味燒 (已結業)

係太古坊返工, 附近食飯都普遍貴, 要食平民價少少就要行出電車路, 果然比我搵到正野食! 平時好少可自己一個入燒味舖食燒味, 但係呢間叫一味燒嘅門口, 向內望下, 環境乾淨企理, 有別於一般油淋淋燒味店。所以冇抗拒感下入去食咗個lunch。午市menus其中可自選燒味組合, 跟飯/瀨粉/河粉/烏冬/出前一丁。組合加幾蚊仲有罐裝飲品。我揀咗個雙併瀨粉、燒腩仔配燒鵝瀨粉同燒味分開上檯,瀨粉大大碗, 瀨粉滑滑的, 唔會一夾即斷, 湯底清清地, 飲咗個湯都唔會好口渴, 所以不會是味精湯。燒鵝沒有多餘皮下脂肪, 肉質軟嫩, 一口食到鵝皮酥脆油香, 超正推介!燒腩仔肥瘦比例平均, 唔會過鹹又食到肉香, 而且燒腩仔皮仲係卜卜脆, 點芥末醬食更加惹味。另外+$6追加咗罐 白桃烏龍無加一服務費, 真心抵食又好味, 會再幫襯。