利久庵日本料理 (已結業)

睇到呢間ｄ食評唔錯，而且食過棉登徑內的其他幾間日本餐廳水準甚高，昨晚約了女伴晚飯咪黎試試． 八點行入去只有一檯客，完全冇居酒屋應有的氣氛已心知不妙，不過既然黎到便姑且一試吧． 店內只有一位經理服務（並沒有其他侍應生），平時生意看來不好，但經理的服務很好． 我們點了帶子及牡丹蝦刺身（帶子唔新鮮有點霉，牡丹蝦ＯＫ），利久庵沙律（好一般，只係幾塊下價魚生伴生菜再加幾粒小番茄），幾串串燒（完全唔掂，差過坊間其他日本食肆），一份蘿蔔煮雞（甜甜地算ＯＫ）及一小瓶凍清酒． 埋單５８０蚊唔算貴，不過食物水準認真麻麻，應該唔會再幫襯啦．