牧羊少年咖啡館 (K11購物藝術館)

营业中

休息中

牧羊少年係近年發展得唔錯嘅連鎖咖啡店之一，除左提供飲品輕食亦供應主食，係情侶約會或三五知己聚會一個幾唔錯嘅選擇。由最初要特登出太子食到依家屋企附近都開咗間，分店遍佈港九新界，可見人氣旺盛。-🍝拿破崙蕃茄煙豬腿肉意大利粉 $108意粉蕃茄底通常都無死，酸酸甜甜幾開胃。味道同份量正常，整體未算有驚喜，都係上次屯門分店個俄式牛仔柳意粉好食啲😋-🍖慢煮BBQ醬美國豬仔骨 配 酸忌廉番薯條 $178番薯條經常性賣晒，上次食唔到轉左薯條今次都一樣，睇嚟想試嘅要lunch嚟食🌝薯條普普通通無特別，下次再賣曬應該唔會簡要配薯條嘅主食。豬仔骨雖然話慢煮但係肉質唔夠腍，同類出品做得比佢出色嘅比比皆是，呢份質素平平勝在大份。-總結：分店多，水準穩定，keep住有回頭。