板前壽司 (已結業)

食過咁多間板前，都係又一城店最有品質保證!!最鍾意係佢用料新鮮同水準穩定，呢d都係銅鑼灣東角道店無得比的!!放工後與同事一行三人到板前宵夜，大約晚上10:20，等了一會就有order位了，雖然要與其他人share一張檯，但也不要緊的.坐低後，第一件事當然要點仍然是$3件的超值三文魚壽司啦!!我們order了3碟。此外，我們還點了三文魚腩壽司、海鰻壽司、油甘魚壽司、玉子壽司、炸蠔、南瓜天婦羅，當然唔少的我們最鍾意嘅SAKE!!做得咁辛苦，點都要飲番杯慰勞吓自己!!食物方面，三文魚、油甘魚依然新鮮，不過可能$3件的關係，三文魚壽司的飯有少少暖；而油甘魚也不及以往肥美，此乃美中不足，不過仍然鮮甜可口。至於海鰻和玉子則是一貫水準，而炸蠔和南瓜天婦羅亦能保持水準，炸蠔外面香口內面多汁，好吃!!SAKE方面，我們要了"白鶴"，不錯的，夠醇，不過如果凍飲有得揀"玉乃光"就更加好!!服務方面，侍應很有效率，執拾很快手，order了的食物亦很快到，值得一讚!!價錢方面，order了咁多食物埋單只是$220，抵!!怪不得成為了我們收工後的宵夜飯堂。