玖五牛肉麵 (已結業)

周末行街街見到一間新開的牛肉麵店，有人排隊應該都係好嘢，個名叫做玖五，聽落好勁。環境很乾淨，食物款式都幾多，牛肉麵分紅燒麻辣蕃茄三個口味，小食一眼看中麻辣臭豆腐，仲有一款豆魚唔知係咩嘢。兩個人一碗紅燒一碗番茄，湯底都一樣濃郁，番茄個款有少少藥材，台灣口味，唔會太酸，我鍾意。牛肉牛筋全部都係揀手貨，炆得好琳而且入味，真係超有水準，$95碗係值啲。麻辣臭豆腐真係相當麻辣，如果叫麵未必頂得住，配豆腐就啱啱好夠刺激，豆腐口感都好好。仲食咗豆魚，腐皮包芽菜唔係魚，口感幾爽，用涼伴麵的麻醬汁，味道濃郁。